Mae'n gweithredu o dan arweiniad a chyfarwyddyd y Llywydd a phedwar Aelod arall o'r Senedd, sy'n cynrychioli pleidiau gwleidyddol eraill. Dirprwyir gweithrediadau o ddydd i ddydd i Glerc a Phrif Weithredwr y Senedd.
Gweithio i Gomisiwn y Senedd
Mae staff Comisiwn y Senedd yn cefnogi'r Senedd i sicrhau ei bod yn gweithredu'n llwyddiannus fel corff democrataidd.
Ymweld
Sut mae'r Comisiwn yn cefnogi'r Senedd?
Mae'r rolau'n cynnwys ystod eang o weithgareddau gan gynnwys:
- Rhoi'r llety, y cyfleusterau, yr offer a'r wybodaeth sydd eu hangen ar Aelodau i wneud eu gwaith;
- Cefnogi Pwyllgorau'r Senedd a'r Cyfarfod Llawn trwy ddarparu cyngor gweithdrefnol, cyfreithiol a chyngor arall;
- Darparu gwasanaethau cyfieithu, dehongli ac adrodd sy'n sicrhau bod y Senedd yn gallu gweithredu yn Saesneg a Chymraeg;
- Darparu gwybodaeth ac addysg am y Senedd i'r cyhoedd; a
- Rhoi gwybodaeth ac addysg i'r cyhoedd am rôl seneddol y Senedd a thrwy drefnu ymweliadau â'r Senedd ac oddi yno.
Nid yw staff y Senedd yn weision sifil. Maent yn annibynnol ar y Llywodraeth ac yn gweithredu'n ddiduedd ar ran y Senedd.
Pa fath o rolau ydych chi'n recriwtio ar eu cyfer?
- Gweinyddu
- Gwasanaethau Clercio
- Datblygu Polisïau Corfforaethol
- Cyfathrebu
- Gwybodaeth ac Addysg
- Rheoli Digwyddiadau
- Rheoli Cyfleusterau
- Gwasanaethau Ariannol
- Cyfieithu Cymraeg/Saesneg
- Adnoddau Dynol
- Technoleg Gwybodaeth
- Cyfreithiol
- Gwasanaethau Llyfrgell
- Gwybodaeth i’r Cyhoedd ac Addysg
- Ymchwil
- Diogelwch
Ein hieithoedd swyddogol (Cymraeg a Saesneg)
Rydym wedi ymrwymo'n llawn i wella ein gwasanaethau dwyieithog rhagorol yn barhaus ac i fod yn sefydliad gwirioneddol ddwyieithog lle y gall Aelodau'r Senedd, y cyhoedd a'r staff ddewis gweithio neu gyfathrebu'n naturiol drwy ddefnyddio'r naill iaith swyddogol neu'r llall, neu'r ddwy iaith, a lle caiff y defnydd o'r ddwy iaith ei annog a'i hwyluso yn rhagweithiol.
Er nad ydym yn ei gwneud yn ofynnol i bob un o'n staff fod yn rhugl yn ein dwy iaith swyddogol, rydym yn disgwyl iddynt oll ymrwymo i ddarparu gwasanaethau yn ein hieithoedd swyddogol. I'r graddau hynny, rydym yn disgwyl i bob aelod o staff sy'n cael ei benodi gan y Senedd fod â sgiliau lefel cwrteisi yn y Gymraeg, neu i gaffael y sgiliau hyn yn ystod cyfnod y cytunwyd arno. Caiff pob swydd ei hasesu yng nghyd-destun gallu'r maes gwasanaeth i ddarparu gwasanaethau dwyieithog i'n cwsmeriaid ac mae rhai swyddi, felly, yn gofyn am lefel uwch o Gymraeg i hwyluso hynny, a nodir gofynion o'r fath, ym manyleb y swydd.
Am ragor o wybodaeth am y lefelau gallu o ran y Gymraeg, ewch i'n tudalennau Cynllun Ieithoedd Swyddogol.
